अश्रू

देवाचेही अश्रू असतात
ज्यावर झाडे - फुले फळतात।
विरहिणीचेही अश्रू असतात
जे प्रियकरासाठी गळतात ।
बालकाचेही अश्रू असतात
जे केवळ आईला कळतात।
वृद्धांचेही अश्रू असतात
जे समवयस्कांसोबत वाटले जातात ।
आजही शहाजहाँचे डोळे 'ताज'समोर रडतात
तुषारांबरोबर वर जावून , पुन्हा पुन्हा खाली पडतात ।
मगरिचेही अश्रू असतात
ज्यांना काहीही भावना नसतात ।
काहीलोक सहजतेने आपले अश्रू मोकळे करतात
काही दुःखाश्रू
रोखून .........सहज , रम्य , गुढ़ हसतात।