घरकुटुंब सांभाळायचे काम, करतील मतदार !
घराबाहेरील देश सांभाळा तुम्ही, उमेदवार !!
ना संगीत, ना मेजवान्या, ना जतरा !
पहिले रस्त्यावरून, उचला हो तो कचरा !!
नको पिक्चर, नको तमाशा, नको गाणी !
पहिले नळाला पाहिजे, स्वच्छ निर्मळ पाणी !!
शिस्तीत जगायचे आहे, नाही बनायचेय किंग !
बाजारमंडईत हवी, प्रत्येकास वाहन पार्किंग !!
नकोच पोंगा पंडीत, नको भोंगा भंडीत !
ताजा सेंद्रीय भाजीपाला असावा, भाजीमंडीत !!
नको टपऱ्या, नको खड्डी आणि लोटगाडी !
रस्त्याच्या दुतर्फा हवी, फुटपाथ आणि झाडी !!
ना दिखावा, ना मिरवणूक, ना ढोलतुतारी !
रस्तोरस्ती असावी, सर्वांसाठी मुतारी !!
कोरडा हवा पदपथ, पायी मारता यावी फेरी !
वास यावा फुलांचा, उघड्यावर नको गटारी !!
नको टपऱ्या, नको खड्डी आणि लोटगाडी !
रस्त्याच्या दुतर्फा हवी, फुटपाथ आणि झाडी !!
ना दिखावा, ना मिरवणूक, ना ढोलतुतारी !
रस्तोरस्ती असावी, सर्वांसाठी मुतारी !!
कोरडा हवा पदपथ, पायी मारता यावी फेरी !
वास यावा फुलांचा, उघड्यावर नको गटारी !!
नकोच नुसत्या चर्चा, गरम करणाऱ्या खुर्च्या !
काम का अडले, जाब विचारायला हवा सर्वात वरचा !!
आमच्या कामाच्या रस्त्यावर, ताकदवान-हिजडे, डोळेमार--हत्ती, पाकीटमार-भिकारी, लंबुटांग-बुच्चन कोणी उभे केलेत ?....
सुरक्षीतपणे-आत्मविश्वासाने कामधंद्याला आणि मतदानाला कसा जावू ?
स्वतःच्या कामाला नम्रपणे, पत कधी देवू ? स्वतःच्या शेताला, मेहनतीने खत कधी देवू ??
लोकशाहीच्या मंदिरात निर्भीडपणे नत कसा होवू ? आणि, तुम्हाला निर्विवादपणे मत कसे देवू ??
वरात-कागद-पेन-शाई तुमचीच, निवडणूक झालीय भकास !
घरात एक लोकशाही, ॲडमीट आहे खाटेवर, दुसरीच्या कडेवर हसतोय विकास !!
कोणत्याही टिप्पण्‍या नाहीत:
टिप्पणी पोस्ट करा