व्ही कटोरी

घ्यायचं सगळ्यांना कळत. 

मग ती घेणारी आपली राणीसरकार असो वा इंजिन ! 

देणारा मात्र, देवून देवून, इंन्धन संपून, नग्न बाबा बनतो. 

गांधी टोपी ही अशी टोपी आहे की, त्या टोपीच्या सर्वात वर ' व्ही ' आकाराची कटोरी असते. 

व ती व्ही कटोरी ताकद ग्रहण करण्यासाठी वापरली जाते. 

बळी तो सत्ता सांभाळी. ह्या सनातन न्यायानुसार, सनातन ज्ञानाची अंमलबजावणी करत, 

सर्वांनी आपल्या डोक्यावर ' व्ही ' आकाराची कटोरी घेऊन फिरण्याचे सुरू केले. 

अशी ही ' व्ही ' कटोरीची यशोगाथा आहे. 

ताकद ही कटोरीनेच मिळते. 

मग ती कटोरी शेतात राहणारी असो, की डबे विकणारी असो, की संपूर्ण जगावर राज्य करणारी असो. 

बायका खोऱ्याने जसा पैसा ओढतात, तसा पुरुषांना कटोरीने देखील पैसा ओढता येतो. 

सत्यनारायण करतांना पुरुष मंडळी ' व्ही कटोरी ' डोक्यावर ठेवून सत्यनारायण करतात. 

पंडीत ब्राह्मणाने दिलेली ही ' व्हीकटोरी ' असलेली टोपी आहे. 

म्हणून ते त्या कटोरीने पैसा गोळा करू शकतात व तेव्हा कुठे ते ब्राह्मणांची दक्षिणा देऊ शकतात.

कारण ब्राम्हणाला फुसकी दिखावू नोट चालत नाही. 

तर खरी ताकद असलेला बंदा रुपय्या हवा असतो. 

ही व्हीकटोरीची खाडी आजवर कोणालाही पार करता आलेली नाही. 

जेव्हा कटोरीमध्ये खूप काळे पाणी साचले होते. 

तेव्हा ज्यांना ते काळे पाणी बघेनासे झाले, 

तेव्हा ह्या व्हीकटोरीची खाडी पोहून पार करण्याचा ज्यांनी यशस्वी प्रयत्न केला, 

त्यांना खाडी पार केल्यानंतर देखील सत्ता न मिळाल्यामुळे आत्महत्या करावी लागली. 

याउलट, त्यांच्या नावाने उरलेल्या विकटोर्यांनी, याचा राजकीय मुद्दा बनवून, 

आपल्या पोळ्या भाजून घेतल्या व सत्ता हस्तगत केली. 

ज्यांना स्वतःच्या डोक्यावर ही कटोरी ठेवणे पसंत नव्हते, त्यांनी ती आपल्या हातात घेतली व संन्यासी बनले. 

संसाराचा त्याग करू शकले, मात्र या कटोरीचा त्याग करू शकले नाही. 

सनातन सत्य हे आपल्या मनापेक्षा श्रेष्ठ असते. 

त्यामुळे, जिने आपल्या मनाला, म्हणजे मनाच्या ईगो अहंकाराला बाजूला सारून, आपली एनर्जी हँडल केली. 

ती ' व्ही कटोरी ' राणी नेहमी जिंकते. 

हे सनातन सत्य जेव्हा भारतीय पंडित लोकांना लक्षात आले, तेव्हा त्यांनी गांधी टोपी बनवली. 

हिंदू पंडीताने पांढरी व्हिक्टोरी बनविली त्याचे बघून मुस्लीम पंडीताने काळी व्हिक्टोरी बनविली. 

त्या दोन्हींचे बघून ईसाई, पारशी व इतर पंडीतांनी डोक्यावर व्हिकटोरी राहील, 

अश्या विविधरंगी बेरंगी हॅट टोप्या बनविल्या. 

काही सजलेल्या सवरलेल्या कटोऱ्यांनी देखील आपल्या पितळ्याची हायफाय कटोरी 

नम्रपणे ठोकून लेकरांना  हिलींगसंगीत शिकविणे सुरू केले. 

हे सर्व कार्यक्रम बघून चिखलातले बेडूक हाताची घडी घालून, आपले डोळे मिचकावत, 

' डरा वो ' असे फर्मान काढून,

जमिनीखाली चीर योगनिद्रा घ्यायला निघून गेले. 

अशा बेडकांना पुढच्या जन्मी रामाने जेव्हा सायन्सलॅबमध्ये चिरून पाहिले, 

तेव्हा घाण पाणी असलेल्या शरीरासोबत, त्याचे वाटाण्याएवढे  छोटेहृदयदेखील दिसले होते. 

तेव्हाच त्याने ठरवले की बेडकांचा नाद करायचा नाही.

इकडे भुकेल्या बिझीनेस शार्कांनी घोडे खावून आपला सजविलेल्या बाहूल्यांचा पपेट शो परत सूरू केला.

बॉलीवूड बिझीनेसने पण नवनवीन कपडे नेसणे सूरू केले. 

त्यामुळे साहजिकच धोब्यांनी मौनव्रत घेवून काही एक भलतेसलते न बोलता कपडे धुणे सुरू केले. 

क्रिकेटक्लबने देखील बॉल धुणे सुरू केले. 

पोरांनी चष्मा लावून गुपचुपपणे बघणे सुरू केले. 

डॉक्टर संघटना स्थापून गोळ्या देवू लागले. 

न्हाव्यांनी पण संघटना स्थापून आपल्या तीक्ष्ण हत्याऱ्यांनी हजामती सुरू केल्या.

सर्वांना कामाला लावणारे दारूभट्ट लोक, स्वतः रिकाम्या वेळी कुत्रे फिरवू लागले. 

रस्त्यावर लोक त्या दोन्हींना पाहून उदोउदो करू लागले.

देसीकुत्रा हाडे खातो, म्हणून आर्ची उर्फ अर्चनाने, इंग्लिशकुत्र्याला इंग्लिशमध्ये बोलून दाखवत, 

बोन खाऊ घालणे सुरू केले. 

मात्र, 

बोन खावून, प्रिन्स बनुन, गन घेवून, कुत्र आंगावर येण्याआगोदरच परेशानीचा अंत व्हावा. 

म्हणून परशाने, लेखबाबा बनुन ज्ञान लिहीणे सुरू केले. 

नागबाबाने त्यावर चित्रपट काढणे सुरू केले. 

चित्रपट बघूनबघून चणेचोळे लोक, गर्मीमुळे तंग झालेल्या आपल्या कपड्यात, 

हवा घालण्यासाठी, धाब्यावर पतंगी उडवायला जमा झाले. 

इंग्लिश बाबू बक्कळ पैसा देतो, म्हणून स्वराज्य हे चित्रपटाचे नाव सुद्धा इंग्रजीतून लिहिणे सुरू झाले. 

हे सर्व ऐकून वाचून मग, ' चल हट भंकस ' म्हणत बॉलीवुडची आशा भोसले पण बिनधास्त गावू लागली.....

' ऐका दाजिबा ! ' 

दिदिच्या गाण्याचा अहीरभैरवराग ऐकून वरुणदेवांनी ढगाला कळ लावून पाऊस सुरु केला. 

त्यामुळे,  खावून खावून रनगाडे झालेला इंग्लीशकॉन्व्हेंटचा डॉमिनंट पिगसंघ देखील, 

" इट इज रेनिंग लाईक कॅट ॲण्ड डॉग्ज " असे म्हणत डॉमिनो पिझ्झा खायला निघून गेला.